AZƏRBAYCAN İDMANÇILARI DÜNYA ÇEMPİONATINDA 11 QIZIL, 5 GÜMÜŞ VƏ 3 BÜRÜNC MEDAL QAZANMIŞLAR
AZƏRTAC xəbər verir ki, İtaliyanın Perucia şəhərində peşəkarlar, yeniyetmələr və gənclər arasında Kunq-fu Vuşu üzrə 16-cı dünya çempionatı başa çatmışdır. Dünya çempionatında 50-yə yaxın ölkənin 650-dən çox idmançısı mübarizə aparmışdır. Ölkəmiz yarışda 24 idmanşı ilə təmsil olunmuşdur.
Bu mötəbər çempionatda Azərbaycan idmançıları 11 qızıl, 5 gümüş və 3 bürünc medala sahib olmuşlar.
Kunq-fu Vuşunun sando döyüş növü üzrə peşəkarlar arasında qarşılaşmalarda Ramil Allahverdiyev (55 kq), Emil Hacıyev (60 kq), kişilər arasında Elsevər Bağırov (95 kq-dan yuxarı), Ayaz Kamallı (90 kq), yeniyetmə və gənclərin mübarizəsində isə Həşim Tahirli (33 kq), Novruz Oruczadə (36 kq), Tural Ağazadə (44 kq), Ceyhun Xalıqlı (48 kq), Elvin Səfərov (52 kq) və Elçin Eminov (60 kq) bütün rəqiblərinə qalib gələrək fəxri kürsünün ən yüksək pilləsinə qalxmışlar.
Kunq-funun Tao-lu növü üzrə yeniyetmə və gənclər arasında yarışda isə Tural Xəlilli birincilik qazanmışdır.
Azərbaycan idmançıları dünya çempionatında ilk dəfə olaraq komanda hesabında birinci yerə çıxmışlar.
######
Bölmənin digər xəbərləri
