AZƏRBAYCAN İDMANÇISI ÇEMPİONATIN GÜMÜŞ MEDALINA SAHİB OLMUŞDUR
AZƏRTAC xəbər verir ki, Azərbaycanın basketbol üzrə milli komandasının üzvü Aleksandr Rındinin oynadığı “Ural-Qreyt-2” klubu Rusiya çempionatının güclülər dəstəsində ikinci yeri tutmuşdur.
Azərbaycan idmançısının iştirak etdiyi komanda keçirdiyi 56 oyunun 44-də qələbə qazanmış və 12 dəfə məğlubiyyətə uğramışdır. Nəticədə 100 xal toplayan “Ural-Qreyt-2” çempionatın gümüş medalına layiq görülmüşdür. Birinci yeri isə 106 xalla Saransk şəhərinin “Ruskon-Mordoviya” klubu qazanmışdır.
Xatırladaq ki, bu, iki il əvvəl üçqat Azərbaycan çempionu “Qala” klubundan transfer edilən A.Rındinin legioner karyerasında ilk uğurudur.
Bölmənin digər xəbərləri
