AZƏRBAYCAN İDMANÇISI PEKİN OLİMPİADASINA LİSENZİYA QAZANMIŞDIR
Mayın 23-də Serbiyanın Novi Sad şəhərində yunan-Roma güləşi üzrə 2008-ci il Pekin Yay Olimpiya Oyunlarına lisenziya xarakterli II təsnifat turnirinə start verilmişdir. Yarışda ölkəmizi iki idmançı - Şalva Qadabadze (84 kq) və Aydın Səfərov (96 kq) təmsil edirlər.
Azərbaycan Güləş Federasiyasından AZƏRTAC-a bildirmişlər ki, turnirin ilk günündə döşək üzərinə çıxan Şalva Qadabadze uğurlu çıxış edərək finala vəsiqə qazanmış və Pekin Olimpiadasına lisenziya əldə etmişdir.
Bununla da yunan-Roma güləşçilərimiz Pekin Olimpiadasında 7 mümkün çəkidən 6-da təmsil olunmaq hüququna yiyələnmişlər.
Sabah yığmanın digər üzvü Aydın Səfərov mübarizəyə qoşulacaqdır.
Bölmənin digər xəbərləri
