Pekin, 28 sentyabr, AZƏRTAC

Pekində Azərbaycanın rəqəmsal inkişaf və nəqliyyat naziri Rəşad Nəbiyevin rəhbərlik etdiyi nümayəndə heyəti Çinin Dəmir Yolları Administrasiyasının rəhbərliyi ilə görüşüb.

AZƏRTAC xəbər verir ki, görüşdə dəmir yolu sahəsində iki ölkə arasında əməkdaşlığın inkişafı məsələləri müzakirə olunub. Çin ilə yük dövriyyəsinin artırılması və Orta Dəhlizin inkişafı istiqamətində ölkələr arasında əməkdaşlığın gücləndirilməsi üçün atılacaq konkret addımlar müəyyən edilib.

Qeyd edək ki, nazir Rəşad Nəbiyevin rəhbərlik etdiyi nümayəndə heyəti Pekində I Qlobal Dayanıqlı Nəqliyyat Forumunda iştirak etmək üçün Çinə səfər edib.