Azərbaycan ilə Serbiya arasında əlaqələrin inkişaf perspektivləri müzakirə edilib
Bakı, 24 fevral, AZƏRTAC
Fevralın 24-də Azərbaycan Respublikasının müdafiə naziri, general-polkovnik Zakir Həsənov Serbiyanın ölkəmizdəki səfiri Neboyşa Rodiç ilə görüşüb.
Müdafiə Nazirliyinin mətbuat xidmətindən AZƏRTAC-a bildiriblər ki, nazir regiondakı hərbi-siyasi vəziyyətə toxunaraq Ermənistanın işğalçılıq siyasətinin bu gün də davam etdiyini vurğulayıb. Z.Həsənov bunun nəticəsində sülh prosesinin yubandığını və danışıqların uzadılmasının bölgədəki şəraitə mənfi təsir göstərdiyini diqqətə çatdırıb.
Azərbaycan-Serbiya əməkdaşlığının müxtəlif sahələrdə inkişaf etdirilməsində qarşılıqlı marağın olmasının vurğulandığı görüşdə ölkələrimiz arasında əlaqələrin inkişaf perspektivləri müzakirə edilib.
Bölmənin digər xəbərləri
