AZƏRBAYCAN KANOEÇİLƏRI DAHA BİR UĞUR QAZANMIŞLAR
Bakı, 22 may (AZƏRTAC). Azərbaycan kanoeçiləri Polşanın Poznan şəhərində keçirilən Dünya Kuboku uğrunda turnirin ikinci mərhələsində 1000 metrlik məsafəyə yürüşdə də uğurlu çıxış etmişlər.
Azərbaycan Milli Avarçəkmə Federasiyasından bildirmişlər ki, ikinəfərlik qayıqda mübarizə aparan Maksim Prokopenko-Sergey Bezuqlıy dueti öz yarımqrupunda 9 iştirakçı arasında 2-ci yeri tutaraq birbaşa finala vəsiqə qazanmışdır.
Birnəfərlik qayıqda çıxış edən Valentin Demyanenko da ilkin mərhələni uğurla dəf etmişdir. O, öz yarımqrupunda 8 iştirakçı arasında 2-ci yeri tutmuş və yarımfinala yüksəlmişdir.
Xatırladaq ki, həm Valentin Demyanenko, həm də Maksim Prokopenko-Sergey Bezuqlıy dueti 500 metrlik məsafəyə yürüşdə də ilkin mərhələni uğurla adlayaraq, yarımfinala çıxmışlar.
Onlar mayın 23-də finala vəsiqə uğrunda mübarizə aparacaqlar.
Bölmənin digər xəbərləri
