AZƏRBAYCAN KANOEÇİLƏRİNİN DÜNYA KUBOKU YARIŞLARININ İKİNCİ MƏRHƏLƏSİNDƏKİ RƏQİBLƏRİ MƏLUM OLMUŞDUR
Bakı, 21 may (AZƏRTAC). Azərbaycan Milli Avarçəkmə Federasiyasının mətbuat xidmətindən bildirmişlər ki, mayın 22-də Polşanın Poznan şəhərində kayak və kanoe qayıqlarında avarçəkmə üzrə Dünya kuboku yarışlarının ikinci mərhələsində 40 ölkədən 414 idmançı mübarizə aparacaqdır.
Azərbaycanı 1 nəfərlik qayıqda Valentin Demyanenko, 2 nəfərlik qayıqda isə Maksim Prokopenko-Sergey Bezuqlı dueti 500 və 1000 metr məsafələrə yarışlarda təmsil edəcəklər.
Artıq yarışların ilkin mərhələsinin püşkü atılmış və idmançılarımızın yarımfinala çıxmaq uğrunda rəqibləri məlum olmuşdur.
Turnirin yarımfinal və final mərhələsi mayın 23-24-də keçiriləcəkdir.
Bölmənin digər xəbərləri
