AZƏRBAYCAN KARATEÇİLƏRİ BEYNƏLXALQ TURNİRİN QALİBİ OLMUŞLAR
Bakı, 20 may (AZƏRTAC). Bakı Olimpiya İdman kompleksində SKİF versiyasında karate üzrə beynəlxalq turnir əfsanəvi usta, 10-cu dan sahibi, Beynəlxalq şotokan karate-do Federasiyasının (SKİF) prezidenti Kanço Xirokaz Kanazaveyə həsr edilmişdir. Turnir 186 kadet və yeniyetmə arasında 4 yaş qrupunda keçirilmişdir.
Yarışlarda ilk dəfə Sumqayıt, Xaçmaz və Gəncə komandaları iştirak etmişdir. Azərbaycan idmançılarının rəqibləri Gürcüstan, İran, Rusiya, Qazaxıstan və Türkiyə komandaları olmuşdur. Azərbaycan karateçiləri bütün yaş dərəcələrində qalib olmuşlar.
Kumitedə Sura Fərəcli, Orxan Heydərli, Fəridə Abıyeva, Tural Ağalarzadə fərqlənmişlər. Aygün Rüstəmzadə, Elvin Eyvazov və Ağabəy Mirzəyev kata üzrə yarışlarda ən yüksək nəticələr göstərmişlər.
Azərbaycan idmançıları komanda hesabında da daha güclü olmuşlar. “Okama” komandası 1-ci, “Neftçi” 2-ci, “Ağdaş” komandası isə 3-cü yeri tutmuşdur.
Bölmənin digər xəbərləri
