AZƏRBAYCAN KİKBOKSİNQ VƏ MUAY-TAY FEDERASİYASI İKİ MÜSTƏQİL QURUMA BÖLÜNMÜŞDÜR
AZƏRTAC xəbər verir ki, aprelin 23-də Azərbaycan Kikboksinq və Muay-tay Federasiyasının (AKMF) növbədənkənar konfransı keçirilmişdir.
Tədbirdə federasiyanın 4 illik fəaliyyəti, nizamnaməyə əlavə və dəyişikliklər və digər məsələlər ətrafında fikir mübadiləsi aparılmışdır.
Konfransda federasiyanın iki müstəqil quruma bölünməsi haqqında qərar qəbul edilmişdir. Bundan sonra Azərbaycan Kikboksinq Federasiyası adlanacaq quruma Milli Məclisin deputatı Adil Əliyev rəhbərlik edəcəkdir. Azərbaycan Döyüş Növləri Federasiyaları Assosiasiyasının prezidenti Azər Həsənsoy isə Muay-tay Federasiyasının başçısı olacaqdır.
Bölmənin digər xəbərləri
