Azərbaycan komandasının baş məşqçisi: Olimpiadaya Azərbaycanı layiqincə təmsil etmək üçün gəlmişdik
Paris, 10 avqust, Elnur Salahov, AZƏRTAC
Buraya Azərbaycanı layiqincə təmsil etmək üçün gəlmişdik. Düşünürəm ki, işimizin öhdəsindən gəldik. Nəticədən razıyam.
Bu sözləri AZƏRTAC-a açıqlamasında Azərbaycanın bədii gimnastika üzrə qrup hərəkətləri komandasının baş məşqçisi Siana Vasileva “Paris-2024” Yay Olimpiya Oyunlarının final mərhələsində çıxışları barədə danışarkən deyib.
O, düzgün yolda olduqlarını bildirib: “Ötən olimpiadada finala çıxmamışdıq. Bu dəfə isə nəinki finala yüksəldik, həm də 5-ci yeri tutduq. Özümüzdəki inkişafı görürəm”.
Qeyd edək ki, qrup hərəkətləri komandamız yarışı 5-ci pillədə başa vurub.
Bölmənin digər xəbərləri
