Azərbaycan millisinin futbolçusu: Fransa ilə oyuna hazırıq
Bakı, 15 noyabr, AZƏRTAC
Fransa ilə oyuna hazırıq.
AZƏRTAC xəbər verir ki, bu sözləri Azərbaycan millisinin futbolçusu Elvin Bədəlov DÇ-2026-nın seçmə mərhələsi çərçivəsində Bakıda Fransa yığmasına qarşı oyundan öncə təşkil olunan mətbuat konfransında deyib.
O, seçmə mərhələnin son matçını uğurla başa vurmaq istədiklərini bildirib: “Çətin oyun olacaq. Kilian Mbappe zədə səbəbindən bizə qarşı oynamasa belə, rəqibin heyətində başqa keyfiyyətli futbolçular var. Azarkeşlərimiz bizi tək qoymayacaq. Onlara indidən təşəkkür edirəm”.
Qeyd edək ki, Azərbaycan - Fransa matçı noyabrın 16-da Tofiq Bəhramov adına Respublika Stadionunda saat 21:00-da başlayacaq.
Bölmənin digər xəbərləri
