AZƏRBAYCAN NATO İLƏ ƏMƏKDAŞLIĞI YÜKSƏK QİYMƏTLƏNDİRİR
Azərbaycan NATO ilə tərəfdaşlıq əlaqələrini davamlı olaraq inkişaf etdirir. Hazırda Azərbaycanın Şimali Atlantika Alyansı ilə Fərdi tərəfdaşlığın fəaliyyət planı icra olunur. AZƏRTAC xəbər verir ki, bu barədə danışan xarici işlər nazirinin müavini Araz Əzimov bildirmişdir ki, 2006-cı ilin martında planın altı ay ərzində yerinə yetirilməsi üzrə ilkin qiymətləndirilməsi olacaqdır. Bundan sonra planın icrası davam etdiriləcəkdir.
A.Əzimovun sözlərinə görə, plan əsasən 4 sahəni - siyasi və ümumi təhlükəsizlik məsələlərini, hərbi, müdafiə və təhlükəsizlik məsələlərini, ekologiya, elm və ictimai məsələləri, habelə məlumatların mübadiləsi və inzibati məsələləri əhatə edir.
Nazir müavini bildirmişdir ki, Azərbaycan NATO ilə əməkdaşlığa ciddi baxır. Belə ki, Prezidentin nəzarətində olan müvafiq komissiya yaradılmış və onun tərkibində işçi qrupu fəaliyyət göstərir.
Bölmənin digər xəbərləri
