Azərbaycan Niderlandda keçiriləcək Avropa Paralimpiya Oyunlarında təmsil olunacaq
Bakı, 16 may, AZƏRTAC
Azərbaycan Milli Paralimpiya Komitəsinin (AMPK) prezidenti İlqar Rəhimov İraqın paytaxtı Bağdadda keçirilən beynəlxalq turnirdə iştirak etmiş qolbol idman növü üzrə milli komandanın üzvləri ilə görüşüb.
AZƏRTAC komitəyə istinadla xəbər verir ki, görüşdə AMPK-nın icraçı direktoru Eldar Babayev, prezidentin köməkçisi-idman şöbəsinin müdiri Kamal Məmmədov, milli komandanın baş məşqçisi Zahir Abdullayev və komandanın digər üzvləri iştirak ediblər.
Komitə prezidenti İlqar Rəhimov görüş zamanı komandanın hazırkı fiziki və psixoloji durumu ilə maraqlanıb, komandanın hazırlıq səviyyəsini artırmaq məqsədilə müvafiq tapşırıqlar verib. İ.Rəhimov qarşıdan gələn yarışlara, xüsusilə avqustun 8-20-də Niderlandın Rotterdam şəhərində keçiriləcək Avropa Paralimpiya Oyunlarında millimizə uğurlar arzulayıb.
Qolbol üzrə milli komandanın baş məşqçisi Zahir Abdullayev öz növbəsində komandanın hazırkı fiziki və psixoloji vəziyyəti barədə məlumat verərək bildirib ki, idmançılar qarşıdan gələn Avropa Paralimpiya Oyunlarına hazırlıqları davam etdirir.
Bölmənin digər xəbərləri
