Azərbaycan Novqorodda keçiriləcək yüksək texnologiyalar çempionatında təmsil olunacaq
Bakı, 24 avqust, AZƏRTAC
Sentyabrın 18-dən 22-dək Veliki Novqorod şəhərinin “Valday” mərkəzində keçiriləcək yüksək texnologiyalar üzrə çempionatın finalında Rusiyanın regionlarından 150-dən çox iştirakçı olacaq. Hazırda tədbirin coğrafiyası 26 regionla təmsil edilir.
AZƏRTAC xəbər verir ki, Rusiyada ilk dəfə keçiriləcək yüksək texnologiyalar çempionatında dünyanın dörd ölkəsi - Azərbaycan, Qana, Hindistan və Belarus nümayəndələri də iştirak edəcəklər.
Çempionat Rusiya Federasiyasının Təhsil Nazirliyinin təşkil etdiyi Ümumrusiya Çempionatlar Hərəkatı çərçivəsində 35 komandanın iştirakı ilə keçiriləcək.
Qeyd edək ki, yüksək texnologiyalar çempionatı səkkiz istiqamət üzrə təşkil olunacaq: neyroşəbəkələr və böyük məlumat bazası, şəhər və ərazilərin inkişafı texnologiyası, uçan robot texnikası, coğrafi məkan üzrə rəqəmsal mühəndislik, biokimyəvi texnologiyalar və proseslərin modelləşməsi, ekoloji layihələrin təşkili və idarə edilməsi, bioprotezləşmə, fərdi implantların hazırlanması.
Çempionatın keçirilməsində əsas məqsəd gənc kadrların yaşadıqları bölgədə qalmasını və öz potensialını nümayiş etdirməsini təşviq etməkdir.
Bölmənin digər xəbərləri
