Azərbaycan parabadmintonçusu: Qazandığım qızılı xalqıma və ailə üzvlərimə həsr edirəm
Zlatibor, 8 aprel, Cavid Əliyev, AZƏRTAC
"Nəticəmə görə çox xoşbəxtəm".
Bu sözləri AZƏRTAC-a açıqlamasında Serbiyada keçirilən Gimnaziada İdman Oyunlarında qızıl medal qazanan Azərbaycan parabadmintonçusu Zəhra Salmanlı deyib.
O, qazandığı qızılı Azərbaycan xalqına və ailə üzvlərinə həsr etdiyini bildirib: “Ölkəmə medal qazandırmaq əla hissdir. Yarışlara çox ciddi hazırlaşmışdıq. Məşqçilərimizin bizim üzərində əziyyəti böyükdür. Onlara bu sevinci bəxş etmək gözəl duyğudur. İnşallah, gələcək yarışlarda da medal əldə edəcəyəm”.
Qeyd edək ki, Z.Salmanlı birinci mərhələdə digər azərbaycanlı idmançı İlkin Bağırzadə ilə qarşılaşıb və qalib gəlib - 21:6,21:12.İkinci raundda braziliyalı rəqibini (21:8,21:16) məğlub edən Zəhra həlledici görüşdə beninli idmançını (21:5, 21:5) üstələyərək qızıl medala sahib çıxıb.
Bölmənin digər xəbərləri
