AZƏRBAYCAN PARLAMENTİNİN 90 İLLİK YUBİLEYİNƏ HƏSR OLUNMUŞ FUTBOL TURNİRİ DAVAM EDİR
AZƏRTAC xəbər verir ki, Bakı Dövlət Universitetinin futbol meydançasında Milli Məclisin və icra hakimiyyəti orqanlarının komandaları arasında Azərbaycan Parlamentinin 90 illiyinə həsr edilmiş “Parlament kuboku-2008” futbol turniri davam edir.
Birinci mərhələnin növbəti görüşlərində Milli Məclisin komandası ilə Daxili İşlər Nazirliyinin futbolçuları qarşılaşmışlar. Mübarizə 0:0 hesabı ilə başa çatmışdır. Ədliyyə Nazirliyinin idmançıları İqtisadi İnkişaf Nazirliyinin təmsilçilərini 6:1 hesabı ilə məğlub etmişlər.
Turnirin final oyunu iyunun 11-də keçiriləcəkdir.
Bölmənin digər xəbərləri
