AZƏRBAYCAN PARLAMENTİNİN 90 İLLİK YUBİLEYİNƏ HƏSR OLUNMUŞ FUTBOL TURNİRİNİN FİNALÇILARI MƏLUM OLMUŞDUR
AZƏRTAC xəbər verir ki, Bakı Dövlət Universitetinin futbol meydançasında Milli Məclisin və icra hakimiyyəti orqanları komandalarının Azərbaycan Parlamentinin 90 illiyinə həsr edilmiş “Parlament kuboku-2008” futbol turnirinin finalçıları məlum olmuşdur.
Üçüncü mərhələnin ilk görüşündə Vergilər Nazirliyinin futbolçuları Milli Məclisin komandasını 8:7 hesabı ilə məğlub etmişlər. Digər görüşdə isə Daxili İşlər Nazirliyinin idmançıları Ədliyyə Nazirliyinin təmsilçilərinə 2:1 hesabı ilə qalib gəlmişlər.
Beləliklə, Vergilər və Daxili İşlər nazirliklərinin komandaları finala çıxmışlar.
Ədliyyə Nazirliyinin nümayəndələri Milli Məclisin futbolçuları ilə birlikdə üçüncü pilləyə sahib olaraq, yarışın bürünc mükafatını qazanmışlar.
Turnirin final görüşü iyunun 11-də keçiriləcəkdir.
Bölmənin digər xəbərləri
