AZƏRBAYCAN PARLAMENTİNİN 90 İLLİK YUBİLEYİNƏ HƏSR OLUNMUŞ FUTBOL TURNİRİNİN İKİ YARIMFİNALÇISI MƏLUM OLMUŞDUR
AZƏRTAC xəbər verir ki, iyunun 2-də Bakı Dövlət Universitetinin futbol meydançasında Milli Məclisin və icra hakimiyyəti orqanlarının komandalarının Azərbaycan Parlamentinin 90 illiyinə həsr edilmiş “Parlament kuboku-2008” futbol turnirinin dörddəbir final mərhələsi start götürmüşdür.
İkinci mərhələnin ilk görüşündə Milli Məclisin komandası Prezidentin İcra Aparatının futbolçularını 1:0 hesabı ilə məğlub etmişdir. Digər görüşdə isə Ədliyyə Nazirliyinin idmançıları Ekologiya və Təbii Sərvətlər Nazirliyinin təmsilçilərinə 9:1 hesabı ilə qalib gəlmişlər.
Beləliklə, Milli Məclisin və Ədliyyə Nazirliyinin komandaları yarımfinala çıxmışlar. İyunun 3-də keçiriləcək iki oyunla daha iki yarımfinalçı məlum olacaqdır.
Bölmənin digər xəbərləri
