AZƏRBAYCAN PARLAMENTİNİN 90 İLLİK YUBİLEYİNƏ HƏSR OLUNMUŞ FUTBOL TURNİRİNİN YARIMFİNALÇILARI MƏLUM OLMUŞDUR
AZƏRTAC xəbər verir ki, Bakı Dövlət Universitetinin futbol meydançasında Milli Məclisin və icra hakimiyyəti orqanlarının komandalarının Azərbaycan Parlamentinin 90 illiyinə həsr edilmiş “Parlament kuboku-2008” futbol turnirinin dörddəbir final mərhələsi başa çatmışdır.
İkinci mərhələnin sonuncu görüşlərində Vergilər Nazirliyinin komandası Kənd Təsərrüfatı Nazirliyinin futbolçularını 3:1, Daxili İşlər Nazirliyinin idmançıları Fövqəladə Hallar Nazirliyinin təmsilçilərini 2:1 hesabı ilə məğlub etmişlər.
Yarımfinal mərhələsinə vəsiqə qazanan dörd komanda mübarizəni davam etdirir. Bunlar Milli Məclisin, Ədliyyə, Vergilər, Daxili İşlər nazirliklərinin komandalarıdır.
Turnirə iyunun 11-də yekun vurulacaqdır.
Bölmənin digər xəbərləri
