AZƏRBAYCAN PƏHLƏVANLARI BEYNƏLXALQ TURNİRDƏ 5 MEDAL QAZANMIŞLAR
İstanbulda gənclər arasında sərbəst və yunan-Roma güləşi üzrə “Prezident turniri” ənənəvi beynəlxalq turnirə yekun vurulmuşdur.
Azərbaycan Güləş Federasiyasından AZƏRTAC-a bildirmişlər ki, yarışda iştirak edən 13 idmançıdan 5-i vətənə medalla dönmüşdür.
Sərbəst güləş üzrə gənclərdən ibarət Azərbaycan yığmasının üzvləri- Nicat Muradov (50 kq), İbrahim Yusifov (66 kq), Zaur Ələkbərov (74 kq) gümüş, Azər Paşayev (55 kq) isə bürünc medal qazanmışlar.
Yunan-Roma güləşçilərdən isə yalnız Səid Balabəyov (50 kq) yarışı 3-cü yerdə başa vurmuşdur.
Bölmənin digər xəbərləri
