AZƏRBAYCAN RESPUBLİKASI PREZİDENTNİN MƏTBUAT XİDMƏTİNİN MƏLUMATI
2002-ci il fevralın 1-də Milli Məclisin yaz sessiyasının birinci iclasında deputatlar tərəfindən Azərbaycan Respublikası Prezidentinin səlahiyyət müddətinin uzadılması ilə bağlı təklif irəli sürülmüşdür.
Hazırda Amerika Birləşmiş Ştatlarında səfərdə olan Azərbaycan Respublikasının Prezidenti Heydər Əliyev Milli Məclisdə irəli sürülmüş bu təklif haqqında məlumat almışdır. Prezident Heydər Əliyev bildirmişdir ki, o, bu təşəbbüsə görə Milli Məclisin deputatlarına təşəkkür edir, lakin həmin təklifin müzakirəyə çıxarılmasına etirazını bildirir. Dövlətimizin başçısı hesab edir ki, Konstitusiyada Azərbaycan Prezidentinin səlahiyyət müddəti ilə bağlı dəyişiklik etməyə ehtiyac yoxdur.
Bölmənin digər xəbərləri
