“Azərbaycan Respublikasının 2002-ci il dövlət büdcəsi haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2001-ci il 26 dekabr tarixli Fərmanının 7-ci bəndinin 16-cı abzasının icrasını təmin etmək məqsədi ilə Azərbaycan Respublikasının İqtisadi İnkişaf Nazirliyi tərəfindən təqdim olunmuş “Azərbaycan Respublikasında maşınqayırma sənayesinin 2002-2005-ci illərdə İnkişaf Proqramı” Azərbaycan Respublikası Nazirlər Kabinetinin 15 oktyabr 2002-ci il tarixli 218s nömrəli Sərəncamı ilə təsdiq edilmişdir.

X X X

“Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini idarə etmək hüququna dair müqavilələrin təsdiq edilməsi haqqında” Azərbaycan Respublikası Prezidentinin 2002-ci il 28 avqust tarixli Sərəncamının 4-cü bəndinin icrasını təmin etmək məqsədi ilə Nazirlər Kabinetinin qəbul etdiyi 14 oktyabr 2002-ci il tarixli 158 nömrəli qərara əsasən “Bakıelektrikşəbəkə” səhmdar cəmiyyətinin idarəetməyə verilməsi ilə əlaqədar borcları və büdcə hesablaşmaları haqqında” Azərbaycan Respublikası Nazirlər Kabinetinin qəbul etdiyi 2001-ci il 22 noyabr tarixli 186 nömrəli qərara aşağıdakı əlavə və dəyişikliklər edilmişdir:

Qərarın adında və 1-ci bəndində “Bakıelektrikşəbəkə” səhmdar cəmiyyətinin” sözləri “Bakıelektrikşəbəkə”, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərinin” sözləri ilə əvəz edilmişdir;

Qərarın preambulasında “Fərmanının” sözündən sonra “və “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini idarə etmək hüququna dair müqavilələrin təsdiq edilməsi haqqında Azərbaycan Respublikası Prezidentinin 2002-ci il 28 avqust tarixli 1030 nömrəli Sərəncamının” sözləri əlavə edilmişdir;

Qərarın 2-ci bəndində “2005-ci il 31 dekabr tarixədək” sözləri “Bakıelektrikşəbəkə” səhmdar cəmiyyəti üzrə 2005-ci il 31 dekabr tarixədək, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətləri üzrə isə 2009-cu il 31 dekabr tarixədək” sözləri ilə əvəz edilmişdir.

“Bakıelektrikşəbəkə” səhmdar cəmiyyətinin idarəetməyə verilməsi ilə bağlı “Azərenerji” səhmdar cəmiyyətinin dövlət büdcəsinə və digər subyektlərə yaranan borcları üzrə hesablaşma Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2001-ci il 10 dekabr tarixli 194 nömrəli qərarına aşağıdakı əlavə və dəyişikliklər edilmişdir:

Qərarın adında və 1-ci bəndində “Bakıelektrikşəbəkə” səhmdar cəmiyyətinin” sözləri “Bakıelektrikşəbəkə”, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərinin” sözləri ilə əvəz edilmişdir;

Qərarın preambulasında “Fərmanının” sözündən sonra “və “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini idarə etmək hüququna dair müqavilələrin təsdiq edilməsi haqqında” Azərbaycan Respublikası Prezidentinin 2002-ci il 28 avqust tarixli 1030 nömrəli Sərəncamının” sözləri əlavə edilmişdir.

Azərbaycan Respublikası Nazirlər Kabinetinin 2001-ci il 10 dekabr tarixli 194 nömrəli qərarı ilə təsdiq edilmiş “Bakıelektrikşəbəkə” səhmdar cəmiyyətinin idarəetməyə verilməsi ilə bağlı “Azərenerji” səhmdar cəmiyyətinin dövlət büdcəsinə və digər subyektlərə yaranan borcları üzrə hesablaşma Qaydası”na aşağıdakı əlavələr və dəyişikliklər edilmişdir:

Qaydanın adında və 2.1-ci bəndində “Bakıelektrikşəbəkə” səhmdar cəmiyyətinin” sözləri “Bakıelektrikşəbəkə”, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərinin” sözləri ilə əvəz edilmişdir;

Qaydanın 1.1-ci bəndində “Fərmanına” sözündən sonra “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini idarə etmək hüququna dair müqavilələrin təsdiq edilməsi haqqında” Azərbaycan Respublikası Prezidentinin 2002-ci il 28 avqust tarixli 1030 nömrəli Sərəncamına” sözləri əlavə edilmişdir;

Qaydanın 1.2-ci bəndində “şirkət” dedikdə - “Bakıelektrikşəbəkə” səhmdar cəmiyyətini idarəetməyə götürən şirkət nəzərdə tutulur” sözləri, “şirkətlər” dedikdə - “Bakıelektrikşəbəkə”, “Gəncəelektrikşəbəkə”, Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini idarəetməyə götürən şirkətlər nəzərdə tutulur” sözləri ilə əvəz edilmişdir;

Qaydanın 2.3-cü bəndində “Bakıelektrikşəbəkə” səhmdar cəmiyyətinin” sözləri “Bakıelektrikşəbəkə”, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərinin” sözləri ilə, “Bakıelektrikşəbəkə” səhmdar cəmiyyətindən” sözləri “Bakıelektrikşəbəkə”, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərindən” sözləri ilə əvəz edilmişdir;

Qaydanın 3.1-ci bəndində “2002-ci il 1 yanvar tarixdən” sözləri “Bakıelektrikşəbəkə” səhmdar cəmiyyəti üzrə 2002-ci il 1 yanvar tarixdən, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətləri üzrə isə 2002-ci il 1 oktyabr tarixdən” sözləri ilə, “şirkətə” sözü isə “şirkətlərə” sözü ilə əvəz edilmişdir;

Qaydanın 3.2-ci bəndində “Şirkət” sözü “Şirkətlər” sözü ilə, “Bakıelektrikşəbəkə” səhmdar cəmiyyətini” sözləri isə “Bakıelektrikşəbəkə”, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini” sözləri ilə əvəz edilmişdir;

Qaydanın 3.3-cü bəndində “2005-ci il 31 dekabr tarixədək” sözləri “Bakıelektrikşəbəkə” səhmdar cəmiyyəti 2005-ci il 31 dekabr tarixədək, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətləri isə 2009-cu il 31 dekabr tarixədək” sözləri ilə, “şirkətin” sözü isə “şirkətlərin” sözü ilə əvəz edilmişdir;

Qaydanın 4.1-ci bəndində “Şirkət 2005-ci il 31 dekabr tarixədək” sözləri “Bakıelektrikşəbəkə” səhmdar cəmiyyətini idarəetməyə götürən şirkət 2005-ci il 31 dekabr tarixədək, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini idarəetməyə götürən şirkətlər isə 2009-cu il 31 dekabr tarixədək” sözləri ilə əvəz edilmiş, “2007-ci il 1 yanvar tarixdən” sözlərindən sonra “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini idarə etmək hüququna dair müqavilələrdə müəyyən edilmiş qaydada 2011-ci il 1 yanvar tarixdən” sözləri əlavə edilmiş, “aparır” sözü “aparırlar” sözü ilə əvəz olunmuşdur.

Qaydanın 4.2-ci bəndində “2007-ci il 1 yanvar tarixdən” sözləri “Bakıelektrikşəbəkə” səhmdar cəmiyyəti üzrə 2007-ci il 1 yanvar tarixdən, “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə”səhmdar cəmiyyətləri üzrə isə 2011-ci il 1 yanvar tarixdən” sözləri ilə, “şirkətin” sözü “şirkətlərin” sözü ilə əvəz edilmişdir.

Qaydanın 4.3-cü bəndində “2005-ci il 31 dekabr tarixədək şirkətə” sözləri “2005-ci il 31 dekabr tarixədək “Bakıelektrikşəbəkə” səhmdar cəmiyyətini idarəetməyə götürən şirkətə, 2009-cu il 31 dekabr tarixədək “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini idarəetməyə götürən şirkətlərə” sözləri ilə, “şirkətin” sözü isə “şikrətlərin” sözü ilə əvəz edilmişdir.

“Azərbaycan Respublikasında elektrik enerjisindən istifadəyə görə büdcə təşkilatlarının normaları və birinci dərəcəli istehlakçıların (elektrik enerjisi təchizatının dayandırılmasına icazə verilməyən təşkilatların) siyahısı haqqında” Azərbaycan Respublikası Nazirlər Kabinetinin 2001-ci il 25 dekabr tarixli 199 nömrəli qərarının preambulasında “Fərmanının” sözündən sonra “və “Gəncəelektrikşəbəkə”, “Əli Bayramlıelektrikşəbəkə” və “Sumqayıtelektrikşəbəkə” səhmdar cəmiyyətlərini idarə etmək hüququna dair müqavilələrin təsdiq edilməsi haqqında” Azərbaycan Respublikası Prezidentinin 2002-ci il 28 avqust tarixli 1030 nömrəli Sərəncamının” sözləri əlavə edilmişdir.

Bu qərar 2002-ci il 1 oktyabr tarixdən qüvvəyə minmişdir.

X X X

“İcra hakimiyyəti orqanlarının normativ hüquqi aktlarına baxılması, qəbul edilməsi və təsdiqi qaydası haqqında Əsasnamə”nin təsdiq edilməsi barədə” Azərbaycan Respublikası Prezidentinin 2002-ci il 24 avqust tarixli Fərmanı ilə əlaqədar Nazirlər Kabinetinin qəbul etdiyi 14 oktyabr 2002-ci il tarixli 157 nömrəli qərara əsasən, “Azərbaycan Respublikası Nazirlər Kabinetinin, nazirliklərin, dövlət komitələrinin və digər mərkəzi icra hakimiyyəti orqanlarının normativ hüquqi aktlarının hazırlanması haqqında Qaydaların təsdiqi barədə” Azərbaycan Respublikası Nazirlər Kabinetinin 1995-ci il 6 noyabr tarixli 244 nömrəli qərarı qüvvədən düşmüş hesab edilmişdir.

Bu qərar imzalandığı gündən qüvvəyə minmişdir.

Bu qərarlar barədə AZƏRTAC-a Nazirlər Kabinetinin mətbuat mərkəzindən məlumat vermişlər.