İQTİSADİYYAT
Azərbaycan reytinqdə öndə olan ölkələrin rəqəmsal hökumət təcrübəsini öyrənir
![Azərbaycan reytinqdə öndə olan ölkələrin rəqəmsal hökumət təcrübəsini öyrənir](/files/2023/3/1200x630/1702024582393849070_1200x630.jpg)
Bakı, 8 dekabr, AZƏRTAC
Azərbaycanın rəqəmsal transformasiyası vətəndaşlara xidmət, onların ehtiyaclarını ödəmək və göstərilən xidmətlərin yüksək səviyyədə təşkil olunması istiqamətində olacaq.
AZƏRTAC xəbər verir ki, bu barədə jurnalistlərə açıqlamasında Ernst & Young (EY) şirkətinin əməkdaşı, Yaxın Şərq və Şimali Afrikada (MENA) rəqəmsal hökumət təcrübəsinin rəhbəri, EY MENA startaplarının rəhbəri Mohammad J Sear (Mohammad J Sear) bildirib.
"Bu gün Bakıda İnnovasiya və Rəqəmsal İnkişaf Agentliyinin (İRİA) təşəbbüsü ilə dövlət orqanlarının əməkdaşları üçün rəqəmsal transformasiya sahəsində təlim proqramı keçirilir. Bu tədbir çox vacibdir. Çünki Azərbaycan hökumətinin gələcək potensialını formalaşdırmağa çalışır. İdeya nəyin effektiv və uğurla işlədiyi, nəyin o qədər də yaxşı işləmədiyi və digər ölkələrin, xüsusən də rəqəmsal hökumət reytinqlərinin başında olan ölkələrin təcrübələrindən hansı dərsləri öyrənə biləcəyimiz barədə praktikanı bölüşməkdir. Eyni zamanda, hökumətin özünün səmərəliliyini necə artıra biləcəyimizə dair fikir mübadiləsi aparacağıq",- deyə Mohammad J Sear əlavə edib.