AZƏRBAYCAN ŞAHMATÇISI FRANSALI RƏQİBİNƏ UDUZMUŞDUR
Bakı, 25 aprel ( AZƏRTAC). Nalçikdə keçirilən FİDE-nin Qran-pri turnirinin 9-cu turu çərçivəsində Şəhriyar Məmmədyarov Fransa təmsilçisi Etyen Bakro ilə qarşılaşmışdır.
Bu turda qara fiqurlarla oynayan azərbaycanlı qrossmeyster 31-ci gedişdə rəqibinə təslim olmuşdur. Xatırladaq ki, bu, həmyerlimizin turnirdə artıq 2-ci məğlubiyyətidir.
Digər qarşılaşmalar belə nəticələnmişdir: Aleksandr Qrişuk- Qata Kamski 0:1, Yevgeni Alekseyev- Sergey Karyagin 1:0, Vasili İvançuk- Vladimir Akopyan 0,5:0,5, Peter Svidler -Peter Leko 0,5:0,5, Boris Gelfand- Levon Aronyan 0,5:0,5, Pavel Eljanov- Rüstəm Kasımcanov 0,5:0,5.
Doqquz turdan sonra Y.Alekseyev və L.Aronyan (5,5 xal), Peter Leko, Peter Svidler, Etyen Bakro (5 xal), Sergey Karyagin, Aleksandr Qrişuk, Vladimir Akopyan, Pavel Eljanov (4,5 xal), Qata Kamski, Boris Gelfand, Şəhriyar Məmmədyarov, Rüstəm Kasımcanov (4 xal), Vasili İvançuk (3 xal) toplamışlar.
Bölmənin digər xəbərləri
