Azərbaycan şahmatçısı “Tata Stell Chess-2016” beynəlxalq festivalını ikinci pillədə başa vurub
Bakı, 1 fevral, AZƏRTAC
Hollandiyanın Veyk-an-Zee şəhərində keçirilən ənənəvi “Tata Steel Chess” beynəlxalq şahmat festivalı başa çatıb.
AZƏRTAC xəbər verir ki, yarışın sonuncu günündə Şəhriyar Məmmədyarov rusiyalı şahmatçı Sergey Karyakinlə xalları yarı bölüb. Beləliklə, 13 turdan aktivinə 6,5 xal yazan təmsilçimiz turniri 8-ci yerdə başa vurub. Turnirin qalibi adını isə 9 xal toplayan dünya çempionu Maqnus Karlsen qazanıb.
Festivalın “Tata Stell Chess-Chanlengers” turnirində mübarizə aparan Eltac Səfərli sonuncu turda Gürcüstan təmsilçisi Nino Batiaşvili üzərində qələbə qazanaraq 9 xalla 1-3-cü yerləri bölüşdürüb. Əlavə göstəricilərə görə, E.Səfərli ikinci yerin sahibi olub. Bu qrupda mübarizə aparan digər həmyerlimiz Nicat Abasov isə yerli şahmatçı Ervin L Ami ilə heç -heçə edərək 6 xalla turnir cədvəlinin 8-ci pilləsində qərarlaşıb.
Xatırladaq ki, turnir dairəvi sistem üzrə 13 turdan ibarət keçirilib.
Bölmənin digər xəbərləri
