AZƏRBAYCAN ŞAHMATÇISI TEYMUR RƏCƏBOV İKİNCİ GÖRÜŞÜNÜ DƏ HEÇ-HEÇƏ BAŞA VURMUŞDUR
Bakı, 19 yanvar (AZƏRTAC). Niderlandın Veyk-an-Zee şəhərində keçirilən “Corus Chess-2009” superturnirinin (“A” qrupu) ikinci turunda Azərbaycan şahmatçısı Teymur Rəcəbov Ermənistan nümayəndəsi Levon Aronyanla qarşılaşmış, rəqiblər 15-ci gedişdə “sülh” bağlamışlar.
Bu turdan sonra həmyerlimiz 2 mümkün xaldan 1 xal toplamışdır. Xatıraldaq ki, birinci turda T.Rəcəbov Norveç təmsilçisi M.Karlsenlə heç-heçə oynamışdı.
“A” qrupunun digər görüşləri belə nəticələnmişdir: Aleksandr Morozeviç- Lyuk Van Veli 1:0, Sergey Movsesyan - Maykl Adams 1:0, Vanq Yu - Vasili İvançuk 0:1, Daniyel Stellvaqen - Maqnus Karlsen 0,5:0,5, Lenyer Dominqes - Qata Kamski 0,5:0,5, Yan Smets- Sergey Karyagin 0,5:0,5.
Bölmənin digər xəbərləri
