Azərbaycan səfiri İndoneziyanın “KMK Online” kanalına müsahibəsində ölkəmizin reallıqlarından danışıb
Bakı, 18 fevral, AZƏRTAC
Azərbaycanın İndoneziya, Timor-Leste, Filippin və Sinqapurdakı səfiri Tamerlan Qarayev İndoneziyanın “SCTV qrupu”na məxsus “KMK Online” kanalına müsahibə verib.
Səfirlikdən AZƏRTAC-a bildirilib ki, diplomat müsahibədə Azərbaycan -İndoneziya əlaqələrinin siyasi, iqtisadi və mədəni aspektləri, Ermənistanın Azərbaycana qarşı təcavüzü, Xocalı soyqırımı, Azərbaycanın regiondakı rolu, multikulturalizm, Ukrayna ətrafında baş verən hadisələrə dair Azərbaycanın mövqeyi barədə danışıb, indoneziyalı turistləri ölkəmizə cəlb edəcək maraqlı faktlar diqqətə çatdırılıb.
Səfir Azərbaycan ilə İndoneziya arasında siyasi münasibətlərin yüksək səviyyədə olduğunu, iqtisadi əlaqələrin də qənaətbəxş olmasına baxmayaraq, bu sahədə, eləcə də turizm sahəsində əməkdaşlığın inkişafı üçün böyük potensialın mövcudluğunu qeyd edib. O, bu sahələrdə əlaqələrin inkişafı üçün birbaşa aviareyslərin və yük daşımalarının həyata keçirilməsinin vacibliyini vurğulayıb.
Ermənistanın Azərbaycana hərbi təcavüzü haqqında söhbət açan T.Qarayev İndoneziya hökumətinin İslam Əməkdaşlıq Təşkilatının rəsmi Yerevana qarşı siyasi və iqtisadi sanksiyalara dair mövcud qətnamələrinin tətbiq edilməsinin önəmini diqqətə çatdırıb.
Müsahibədə T.Qarayev İndoneziya haqqında təəssüratlarını da bölüşüb.
Bölmənin digər xəbərləri
