Azərbaycan Silahlı Qüvvələrinin nümayəndələri beynəlxalq tədbirlərdə iştirak edəcək
Bakı, 11 oktyabr (AZƏRTAC). Oktyabrın 12-dən 17-dək Almaniyanın Ellvaqen şəhərində “Müxtəlifliyə uyğunlaşma: Dil təlimi ilə bağlı təkmilləşmiş yanaşma” mövzusunda seminar, oktyabrın 13-dən 17-dək İstanbulda Azərbaycan Ali Hərbi Dənizçilik Məktəbi və Türkiyə Hərbi Dənizçilik Məktəbi arasında müəllim mübadiləsi təşkil ediləcək. Bundan başqa, oktyabrın 13-dən 24-dək Çexiyanın Vışkov şəhərində sülhü dəstəkləmə əməliyyatlarının planlaşdırılması və qiymətləndirilməsi üzrə təlim kursu, İstanbulda funksional vəzifələr üzrə təlim keçiriləcək. İstanbulda, həmçinin oktyabrın 14-dən 18-dək NATO kollektiv regional təliminin (REGEX-14) yeddinci planlaşdırma görüşü təşkil olunacaq.Müdafiə Nazirliyinin mətbuat xidmətindən AZƏRTAC-a bildiriblər ki, tədbirlərdə Azərbaycan Respublikası Silahlı Qüvvələrinin nümayəndələri iştirak edəcəklər.
Bölmənin digər xəbərləri
