AZƏRBAYCAN TAEKVONDOÇULARI BEYNƏLXALQ TURNİRDƏ İŞTİRAK EDƏCƏKLƏR
Martın 8-də Hamburqda başlanacaq beynəlxalq turnirdə Azərbaycan 17 idmançı ilə təmsil olunacaqdır.
Azərbaycan Taekvondo Federasiyasından AZƏRTAC-a bildirmişlər ki, yarışda böyüklər arasında ölkəmizin idman şərəfini Zahid Məmmədov (54 kq), Elnur Amanov (58 kq), Rövşən Məmmədov (62 kq), Elvin Məmmədov (72 kq), Rəşad Əhmədov (78 kq), Təvəkkül Bayramov (84 kq), Vüqar Məcidov və Ramin Əzizov (hər ikisi 84 kq-dan yuxarı) qoruyacaqlar.
Son ölkə birinciliyinin qalibləri Faiq Tanrıverdiyev (51 kq), İmran Zalov (55 kq), Nicat Mikayılov (59 kq), Səbuhi İsmayılzadə (68 kq), Məhəmməd Əzizli (73 kq) və Aydın Bəhmalov (78 kq-dan yuxarı) gənc idmançılar arasında yarışacaqlar.
Qızların yarışında isə Nigar Hacıyeva (55 kq), Yelena Abbasova (59 kq) və Gülnar Cəfərova (63 kq) qüvvələrini sınayacaqlar. Yarış iki gün davam edəcəkdir.
Bölmənin digər xəbərləri
