Azərbaycan təmsilçiləri İspaniyada şahmat festivalında liderlər qrupunda yer alıblar
Bakı, 15 dekabr, AZƏRTAC
İspaniyanın Sitjes şəhərində şahmat festivalı davam edir.
AZƏRTAC xəbər verir ki, yarışın güclü A turnirində mübarizə aparan Azərbaycan şahmatçıları - Aydın Süleymanlı, Eltac Səfərli və Məhəmməd Muradlı 2 turdan sonra maksimum xalla (2 xal) liderlər qrupunda yer alıblar.
Digər təmsilçilərimiz Ülviyyə Fətəliyeva, Niyazi Cəfərov və Amil Abbasov isə 1 xala malikdirlər.
İsveçrə sistemi üzrə keçirilən turnirdə 300-dək şahmatçı iştirak edir ki, onlardan da 55-i qrosmeysterdir. Turnir 10 turdan ibarət olacaq və dekabrın 23-dək davam edəcək.
Bölmənin digər xəbərləri
