Azərbaycan U-21 millisi Belarus və Monteneqro ilə qarşılaşacaq
Bakı, 12 may, AZƏRTAC
21 yaşadək futbolçulardan ibarət Azərbaycan milli komandası təlim-məşq toplanışında olacaq.
AFFA-dan AZƏRTAC-a verilən məlumata görə, yığma mayın 26-dan iyunun 2-dək Bakıda, 2-dən 6-dək Belarusun paytaxtı Minskdə, 6-dan 9-dək isə yenidən Bakıda hazırlıq keçəcək.
Ayxan Abbasovun baş məşqçisi olduğu komanda bu müddətdə iki yoxlama görüşü keçirəcək. Millimiz əvvəlcə iyunun 4-də Minskdə Belarusun müvafiq yaş qrupundan ibarət komandası ilə qarşılaşacaq. Bu görüşün başlama vaxtı və stadionu barədə daha sonra məlumat veriləcək.
Komanda iyunun 8-də isə Mehdi Hüseynzadə adına Sumqayıt şəhər stadionunda Monteneqronun U-21 kollektivi ilə üz-üzə gələcək. Qarşılaşma saat 20:00-da başlayacaq.
Bölmənin digər xəbərləri
