Azərbaycan və Hindistan arasında aqrokimya sektorunda əməkdaşlıq imkanları müzakirə olunub
Bakı, 24 fevral, AZƏRTAC
Fevralın 24-də Hindistanın Bakıdakı səfirliyi “Chemexcil” (Əsas Kimyəvi Maddələr, Kosmetika və Boyaların İxracının Təşviqi Şurası) ilə birgə Azərbaycan-Hindistan işgüzar forumu təşkil edib.
AZƏRTAC xəbər verir ki, işgüzar görüşün məqsədi hər iki tərəfin idxalçı və ixracatçılarını bir araya gətirməklə Hindistan və Azərbaycan arasında aqrokimya sektorunda ikitərəfli əməkdaşlıq imkanlarını araşdırmaqdır.
Forumda “Aqrokimyəvi Maddələr (Pestisidlər), Boya, piqmentlər və qeyri-üzvi kimyəvi maddələr sektorunda ticarət imkanlarının araşdırılması” mövzusunda müzakirələr aparılıb.
Bildirilib ki, "Chemexcil" 1963-cü ildə Hindistan Hökumətinin Ticarət və Sənaye Nazirliyi tərəfindən müxtəlif kimyəvi maddələrin müxtəlif ölkələrə ixracını təşviq etmək məqsədilə yaradılmış İxracın Təşviqi Şurasıdır.
Bölmənin digər xəbərləri
