Azərbaycan və Niderland arasında mina təhlükəsi ilə mübarizə sahəsində əməkdaşlıq ətrafında fikir mübadiləsi aparılıb
Bakı, 12 may, AZƏRTAC
Azərbaycan Respublikası Minatəmizləmə Agentliyinin (ANAMA) İdarə Heyətinin sədri Vüqar Süleymanov Niderland Krallığının ölkəmizdəki fövqəladə və səlahiyyətli səfiri Marian de Yonq ilə görüş keçirib.
Bu barədə AZƏRTAC-a ANAMA-dan məlumat verilib.
Görüş zamanı ölkəmizdə mövcüd mina probleminin miqyası və bu problemin yaratdığı fəsadlar, Qarabağ və Şərqi Zəngəzurda icra edilən humanitar minatəmizləmə fəaliyyətinin gedişatı barədə qonağa məlumat verilib.
Görüşdə, iki ölkə arasında mina təhlükəsi ilə mübarizə sahəsində gələcək əməkdaşlıq imkanları ətrafında fikir mübadiləsi aparılıb.
Bölmənin digər xəbərləri
