AZƏRBAYCAN VƏ TÜRKİYƏ DİASPORLARININ BİRGƏ FƏALİYYƏTİ ÜMUMİ ƏHƏMİYYƏTƏ MALİKDİR
Amsterdam, 16 fevral (AZƏRTAC). Bu fikir Amsterdamın “Palet” salonunda türk iş adamları şərəfinə təşkil olunmuş ziyafət zamanı Türkiyənin hakim Ədalət və İnkişaf Partiyası sədrinin xaici əlaqələr üzrə müavini Kürşad Tüzmenlə Benilüks Azərbaycanlıları Konqresinin (BAK) fəxri sədri Sahil Qasımovun görüşündə səslənmişdir.
Görüşdə dünyada, o cümlədən Avropa ölkələrindəTürkiyə və Azərbaycan həqiqətlərinə qara yaxmaq və kölgə salmaq məqsədi ilə erməni lobbisinin apardığı qərəzli təbliğat kompaniyasına toxunulmuş, hər iki ölkə barədə avropalılarda yanlış fikir oyatma cəhdləri pislənilmişdir. Özünü tarixən Türkiyə və Azərbaycanın düşməni hesab edən erməni diasporunun təbliğatına lazımi səviyyədə cavab verilməsi yolunda iki ölkənin Niderland Krallığındakı disporlarının üzərinə ciddi vəzifələr düşdüyü bildirilmişdir.
Əsgər Əliyev
AZƏRTAC-ın xüsusi müxbiri
Amsterdam
Bölmənin digər xəbərləri
