Azərbaycan voleybolçusu CEV kuboku yarışlarının gümüş medalına sahib olub
Bakı, 27 mart, AZƏRTAC
Qadın voleybolçulardan ibarət Azərbaycan millisinin üzvü Katerina Jidkova Avropa Voleybol Konfederasiyası (CEV) kuboku yarışlarının gümüş medalını qazanıb.
AZƏRTAC xəbər verir ki, voleybolçumuzun çıxış etdiyi Rumıniyanın “Alba” komandası final görüşündə İtaliyanın “Yamamay” komandası ilə qarşılaşıb. İlk görüşdə İtaliya təmsilçisinə doğma meydanda 0:3 hesabı ilə məğlub olan “Alba” cavab qarşılaşmasında da 1:3 hesabı ilə uduzub. Beləliklə, iki oyununun nəticəsinə görə, “Yamamay” üçüncü dəfə CEV kuboku yarışlarının qalibi olub.
Qeyd edək ki, cavab qarşılaşmasında voleybolçumuz 10 xal toplayıb.
Bölmənin digər xəbərləri
