AZƏRBAYCAN YAZIÇILAR BİRLİYİNDƏ İSRAİL QƏLƏM SAHİBLƏRİ İLƏ GÖRÜŞ
Birliyin sədri, xalq yazıçısı Anar İsrail knessetinin deputatı Yosef Şaqalı, Yazıçılar Federasiyasının sədri Yefraim Bauçu və digər qələm sahiblərini səmimi salamlamış, Avrasiya Yəhudi Komitəsinin təşkil etdiyi bu görüşün qarşılıqlı faydalı əməkdaşlığa təkan verəcəyinə ümidvar olduğunu bildirmişdir.
Yosef Şaqal, Yefraim Bauç, Meyr Yuziel, Mark Kotlyarski, Svetlana Şenbrun, “Azərnəşr”in direktoru Azər Mustafazadə, rejissor Oqtay Mirqasımov, Yazıçılar birliyinin katibi, xalq yazıçısı Çingiz Abdullayev çıxış edərək xalqlarımızın bir-birini yaxından tanıması, yaradıcılıq əlaqələrinin inkişafı üçün belə görüşlərin əhəmiyyətini vurğulamışlar. Hər iki xalqın ədəbi nümunələrinin qarşılıqlı tərcüməsi, birgə nəşrlər barədə rəylər səslənmişdir. Qonaqlar internetdə rus dilində Azərbaycan ədəbiyyatı nümunələrinin azlığından gileylənmişlər. “Azərnəşr”in direktoru yazıçılarımızın əsərlərinin ivrit dilində nəşri müqabilində İsrail nasirlərinin əsərlərini Azərbaycan dilində çap etməyə hazır olduğunu bildirmişdir. “Literturnıy Azerbaydjan” jurnalının bir nömrəsini tamamilə İsrail yazıçılarının əsərlərinə həsr etmək təklifi razılıqla qarşılanmışdır. Mark Kotlyarski Cəlil Məmmədquluzadənin əsərlərini tərcümə edəcəyinə söz vermişdir.
Görüşdə İsrailin ölkəmizdəki səfiri Artur Lenk iştirak etmişdir.
Bölmənin digər xəbərləri
