AZƏRBAYCAN YIĞMA KOMANDASI BORİS YELTSİNİN KUBOKU UĞRUNDA BEYNƏLXALQ TURNİRDƏ İŞTİRAK EDƏCƏKDİR
Yarışlar Yekaterinburqdakı İdman sarayında və Nijni Tagilin “Metallurq-Forum” idman sarayında keçiriləcəkdir. Turnir əvvəlcə iki yarımqrupda başlanacaqdır. Yekaterinburqda ABŞ, Türkiyə, Azərbaycan və Dominikan Respublikasının yığmaları, Nijni Tagildə isə Rusiya, Kuba, Xorvatiya və Tailand komandaları yarışacaqlar.
Hər yarımqrupdan iki ən yaxşı komanda yarımfinala çıxacaq, sonra finalda turnirin qalibi müəyyən ediləcəkdir.
Turnirə Boris Yeltsinin özünün də gələcəyi gözlənilir.
Xatırladaq ki, ötənilki turnirdə Azərbaycan voleybolçuları bürünc medal qazanmışdılar.
Bölmənin digər xəbərləri
