Azərbaycan yığmaları Şahmat Olimpiadasında növbəti qələbələrini qazanıblar
Bakı, 13 sentyabr, AZƏRTAC
Macarıstanın paytaxtı Budapeştdə keçirilən 45-ci Ümumdünya Şahmat Olimpiadasında 2-ci tura yekun vurulub.
AZƏRTAC xəbər verir ki, hesabat turunda Azərbaycanın kişilərdən ibarət yığması Finlandiyanı məğlub edib - 3,5-0,5. Aydın Süleymanlı heç-heçə oynayıb. Nicat Abasov, Rauf Məmmədov və Məhəmməd Muradlı partiyanı qələbə ilə başa vurublar.
Qadınlardan ibarət Azərbaycan millisi isə Avstraliyanı üstələyib - 3-1. Günay Məmmədzadə və Xanım Balacayeva rəqiblərini məğlub ediblər. Gövhər Beydullayeva ilə Gülnar Məmmədova heç-heçəylə kifayətləniblər.
İki turdan sonra komandalarımız 4 xalla liderlər qrupunda yer alıb.
Şahmat Olimpiadasına sentyabrın 23-də yekun vurulacaq.
Bölmənin digər xəbərləri
