Azərbaycanda futbolla məşğul olanların sayı 100 minə çatıb
Bakı, 3 sentyabr, AZƏRTAC
Xəbər verdiyimiz kimi, 2009-cu ilin yanvarından etibarən AFFA tərəfindən futbolla məşğul olan şəxslərin - futbolçuların, məşqçilərin və digər texniki işçilərin - qeydiyyat sistemi yaradılıb.
AZƏRTAC xəbər verir ki, artıq bu sistemdə qeydiyyata alınanların sayı 100 min nəfərə çatıb.
Azərbaycan futbol ailəsinin qeydiyyatdan keçən 100 mininci üzvü U-13 Liqası turnirində çıxış edən Kürdəmir rayonunu təmsil edən “Mürtülü” komandasının üzvü Məhəmməd Seyidlidir.
Qeydiyyat prosesi “Futbola qoşul” onlayn sistemi vasitəsilə həyata keçirilib.
Bölmənin digər xəbərləri
