Azərbaycanın diaspor təşkilatlarının sayı 453-ə çatıb
Bakı, 29 yanvar, AZƏRTAC
Hazırda dünyanın müxtəlif ölkələrində fəaliyyət göstərən Azərbaycan diaspor təşkilatlarının sayı 453-ə çatıb.
AZƏRTAC xəbər verir ki, bu barədə Diasporla İş üzrə Dövlət Komitəsinin 2014-cü ilin yekunlarına dair hesabatında məlumat verilir.
Hesabatda qeyd edilir ki, 2014-cü il ərzində xarici ölkələrdə fəaliyyət göstərən Azərbaycan diaspor təşkilatları tərəfindən 557 tədbir və layihə həyata keçirilib. Azərbaycan həqiqətlərinin dünya ictimaiyyətinə çatdırılması, Ermənistanın, erməni diaspor və lobbi qruplarının antitəbliğat kampaniyalarının qarşısının alınması məqsədilə 189 layihə reallaşdırılıb. Xocalı soyqırımının 22-ci ildönümü ilə bağlı 100-ə yaxın, soydaşlarımızın yaşadıqları ölkələrin ictimai-siyasi həyatında fəal iştirakının təmin olunması məqsədilə 65 tədbir təşkil edilib.
Bölmənin digər xəbərləri
