Azərbaycanın ən çox ticarət əməliyyatları apardığı Körfəz ölkələrinin adları açıqlanıb
Bakı, 23 aprel, AZƏRTAC
Yanvar-mart aylarında Azərbaycanın ən çox ticarət əməliyyatları apardığı Körfəz ölkələri sırasında ilk üçlükdə İran, Birləşmiş Ərəb Əmirlikləri (BƏƏ) və Səudiyyə Ərəbistanı qərarlaşıb.
AZƏRTAC Dövlət Gömrük Komitəsinin məlumatına istinadla xəbər verir ki, hesabat dövründə ölkəmizin İranla ticarət dövriyyəsinin dəyəri 101,2 milyon ABŞ dolları, BƏƏ ilə 8,2 milyon dollar, Səudiyyə Ərəbistanı ilə 3,9 milyon dollar olub. İran və Səudiyyə Ərəbistanı ilə ticarət dövriyyəsi 2020-ci ilin müvafiq dövrünə nisbətən artıb, BƏƏ ilə azalıb.
Bu ölkələr, eyni zamanda, Azərbaycanın ən çox məhsul idxal etdiyi Körfəz ölkələri sırasında da ilk üçlükdədir. İrandan idxalın dəyəri 95,9 milyon dollar, BƏƏ-dən 4,3 milyon dollar, Səudiyyə Ərəbistanından isə 3,6 milyon dollar təşkil edib. İran və Səudiyyə ilə idxal əməliyyatları artıb, BƏƏ ilə azalıb.
Bölmənin digər xəbərləri
