Azərbaycanın həndbol hakimləri “Çağırış kuboku” yarışlarının final oyununu idarə edəcəklər
Bakı, 25 aprel, AZƏRTAC
Azərbaycanın beynəlxalq dərəcəli hakimləri qadın həndbolçular arasında “Çağırış kuboku” uğrunda yarışların final oyununa dəvət alıblar
Azərbaycan Həndbol Federasiyasından AZƏRTAC-a bildirilib ki, referilərimiz Vaqif Əliyev və Ələkbər Ağakişiyev Polşanın “MKS Perla Lublin” və İspaniyanın “Rokasa Qran Kanariya” komandalarının görüşündə əsas söz sahibi olacaqlar. Mayın 13-də Polşanın Lublin şəhərində keçiriləcək oyunda Avropa Həndbol Federasiyasını rusiyalı Lüdmila Bodniyeva təmsil edəcək.
Qeyd edək ki, komandalar arasında ilk qarşılaşma mayın 5-də İspaniyada keçiriləcək.
Bölmənin digər xəbərləri
