AZƏRBAYCANIN “İNTER” KLUBU BİRLİK KUBOKU TURNİRİNİN YARIMFİNAL MƏRHƏLƏSİNƏ ÇIXMIŞDIR
Moskva, 21 yanvar (AZƏRTAC). Azərbaycanın “İnter” klubu Moskvada keçirilən Birlik Kuboku turnirində Tacikistanın “Reqard-TadAZ” komandasına 2:0 hesabı ilə qalib gələrək, yarımfinal mərhələsinə çıxmışdır.
Görüşün birinci hissəsinin 24-cü dəqiqəsində Andreas Rubin 16 metr məsafədən gözəl qol vurmuşdur. İkinci hissədə isə Valter Quqlimon penalti zərbəsi ilə hesabı artırmış və Bakı komandasını Birlik Kuboku turnirinin yarımfinal mərhələsinə çıxarmışdır.
Yarımfinalda “İnter” Qazaxıstanın “Aktobe” və Belarusun “”MTZ-RİPO” klubları ilə qarşılaşacaqdır.
Asya Hacızadə
AZƏRTAC-ın xüsusi müxbiri
Moskva
Bölmənin digər xəbərləri
