Azərbaycanın kişi boksçuları Astanada təlim-məşq toplanışı keçəcəklər
Bakı, 21 iyun, AZƏRTAC
Kişi boksçulardan ibarət Azərbaycan millisi Qazaxıstanın paytaxtı Astanada təlim-məşq toplanışı keçəcək.
Azərbaycan Boks Federasiyasından AZƏRTAC-a verilən məlumata görə, hazırlıqda Sübhan Mamedov (50 kiloqram), Amin Məmmədzadə (55 kiloqram), Zəlimxan Süleymanov, Məhəmmədəli Aşurəliyev, Məhəmmədəli Qasımzadə (hər üçü 60 kiloqram), Zaur Qəhrəmanov, Malik Həsənov (hər ikisi 65 kiloqram), Nəbi İsgəndərov (70 kiloqram), Rasim Çobanlı (75 kiloqram), Murad Allahverdiyev (80 kiloqram) və Məhəmməd Abdullayev (+90 kiloqram) iştirak edəcəklər.
Yığma iyunun 28-də yekunlaşacaq toplanışda ABŞ, Kanada, Belçika, Qazaxıstan, İsveçrə və Avstraliya komandaları ilə birgə məşq edəcək, sınaq döyüşləri keçirəcək.
Hazırlığın yekununda Zaur Qəhrəmanov, Məhəmmədəli Aşurəliyev və Zəlimxan Süleymanov Bakıya dönəcək, digər boksçular Qazaxıstanda keçiriləcək Dünya Kubokuna qatılacaqlar. Bu yarış iyunun 30-dan iyulun 7-dək davam edəcək. Dünya Kubokunda, həmçinin qadın boksçulardan Marjona Savriyeva (51 kiloqram), Zeynəb Rəhimova (54 kiloqram) və Aynur Mikayılova (57 kiloqram) mübarizə aparacaqlar.
Qeyd edək ki, bu gün Astanaya yollanacaq kişi boksçular iyulun 8-də Bakıya qayıdacaqlar. Qadınlardan ibarət seçmə isə Türkiyənin Kastamonu şəhərində hazırlıq keçir.
Bölmənin digər xəbərləri
