AZƏRBAYCANIN NÜMAYƏNDƏSİ AVROPA KARATE FEDERASİYASININ KONQRESİNDƏ İŞTİRAK EDƏCƏKDİR
AZƏRTAC xəbər verir ki, Avropa Karate Federasiyasının bu il mayın 1-də Tallində keçiriləcək konqresində ölkəmizi Karate Federasiyasının prezidenti Yaşar Bəşirov təmsil edəcəkdir.
Konqresdə qarşıdakı dörd il üçün yeniyetmə və gənclər, həmçinin böyüklər arasında Avropa çempionatlarını təşkil edəcək ölkələrin nümayəndələri qitə birinciliyinə hazırlığın gedişi barədə məlumat verəcəklər.
Xatırladaq ki, yeniyetmə və gənclər arasında qitə birinciliyi 2012-ci ildə Bakıda keçiriləcəkdir. Konqresdə bu mötəbər turnirə hazırlıqla bağlı, həmçinin ötən müddətdə keçirilən tədbirlər sırasında bu il martın 22-23-də Bakı İdman Sarayında təşkil olunmuş “Prezident kuboku” turnirinin təhlili də aparılacaqdır.
Bölmənin digər xəbərləri
