Azərbaycanın və İraqın Xarici İşlər nazirləri arasında telefon danışığı olub
Bakı, 24 iyun, AZƏRTAC
İyunun 24-də Azərbaycanın Xarici İşlər naziri Elmar Məmmədyarov ilə İraqın Xarici İşlər naziri Fuad Huseyn arasında telefon danışığı olub.
Xarici İşlər Nazirliyinin Mətbuat xidməti idarəsindən AZƏRTAC-a bildiriblər ki, nazirlər iki ölkə arasındakı əlaqələrin müxtəlif aspektləri üzrə fikir mübadiləsi aparıb, habelə münasibətlərin inkişafı perspektivlərini müzakirə ediblər.
Tərəflər, həmçinin ümumdünya sağlamlıq böhranı ilə bağlı mövcud vəziyyət və hər iki ölkə tərəfindən bu xüsusda görülən tədbirlər barədə fikirlərini bölüşərək, qlobal pandemiya şəraitində qarşılıqlı yardımın və əməkdaşlığın əhəmiyyətini vurğulayıblar.
Nazirlər, habelə çoxtərəfli platformalarda mövcud əməkdaşlığın bundan sonra da davam etdirilməsinə razılaşıblar.
Bölmənin digər xəbərləri
