AZƏRBAYCANIN VERGİ ORQANLARI İYUN AYININ PROQNOZUNU 101,6 FAİZ YERİNƏ YETİRMİŞLƏR

01.07.2004 [18:11]
Çap et
A⁺ A^-

Vergilər Nazirliyinin ictimaiyyətlə əlaqələr şöbəsindən AZƏRTAC-a bildirmişlər ki, ölkəmizin iqtisadiyyatının dinamik inkişafı və vergi orqanlarının məqsədyönlü fəaliyyəti nəticəsində cari ilin əvvəllərindən əksər vergi və tədiyə növləri üzrə büdcə proqnozları hər ay artıqlaması ilə yerinə yetirilir.

Vergilər Nazirliyi İqtisadi təhlil və uçotun təşkili İdarəsinin ilkin məlumatına görə, 2004-cü ilin iyun ayı ərzində dövlət büdcəsinə 418,2 milyard manat vəsait ödənilmişdir ki, bu da proqnozun 101,6 faiz yerinə yetirilməsi deməkdir. Ümumiyyətlə, bu ilin birinci yarısında vergi daxilolmaları üzrə proqnoz 105,1 faiz icra edilmiş və dövlət büdcəsinə 2 trilyon 238,6 milyard manat vəsait daxil olmuşdur. Ötən ilin müvafiq dövrü ilə müqayisədə vergilərin dövlət büdcəsinə ödənilməsi 302,8 milyard manat və ya 15,6 faiz artmışdır.

AZƏRBAYCANIN VERGİ ORQANLARI İYUN AYININ PROQNOZUNU 101,6 FAİZ YERİNƏ YETİRMİŞLƏR

MÜƏLLİFLƏ ƏLAQƏ

Bölmənin digər xəbərləri