Azərbaycanın voleybol məşqçiləri beynəlxalq konvensiyada iştirak ediblər
Bakı, 27 sentyabr, AZƏRTAC
Sloveniyanın Kranjska Gora şəhərində Avropa Voleybol Konfederasiyası (CEV) Regional Voleybol İnkişaf Mərkəzlərinin xətti ilə beynəlxalq miqyaslı məşqçilər konvensiyası keçirilib.
AZƏRTAC xəbər verir ki, konvensiyada tanınmış voleybol mütəxəssisləri və məşqçiləri 75 ölkədən qatılan iştirakçılara həm nəzəri, həm də praktiki bilikləri daha da genişləndiriblər.
Müxtəlif ölkələrdən dəvət olunmuş 5 təcrübəli voleybol mütəxəssisi tərəfindən keçirilən konvensiyaya 175-ə yaxın məşqçi qatılıb. Ölkəmizdən isə 4 məşqçi - Nihad Tarverdiyev, Səbinə Yarməmmədova, Nina Neçay və Yelena Məmmədova iştirak ediblər.
Üç gün davam edən konvensiyada əsas orta məktəb müəllimləri iştirak ediblər. Onların əksəriyyəti aşağı yaş qruplarında məşq keçən mütəxəssislər olub.
Bölmənin digər xəbərləri
