AZƏRBAYCANLI BEYNƏLXALQ QROSSMEYSTER ŞƏHRİYAR MƏMMƏDYAROV UKRAYNA ŞAHMATÇISI ÜZƏRİNDƏ QƏLƏBƏ QAZANMIŞDIR
AZƏRTAC xəbər verir ki, Bakıda “Hyatt Regency-Naxçıvan” mehmanxanasında keçirilən FİDE-nin Qran-Pri turnirində 8 tur arxada qalmışdır.
Bu turda ağ fiqurlarla oynayan Azərbaycan idmançısı Şəhriyar Məmmədyarov Ukrayna şahmatçısı Sergey Karyaginlə görüşdə əvvəlcə mövqe üstünlüyünə malik olmuş, daha sonra bir artıq piyada qazana bilmişdir. Ukraynalı qrossmeyster həmyerlimizə ciddi müqavimət göstərsə də, 66-cı gedişdə mübarizəni dayandırmaq məcburiyyətində qalmışdır.
Səkkizinci turda Azərbaycan şahmatının iki lideri - Vüqar Həşimovla Teymur Rəcəbov üz-üzə gəlmişlər.
V.Həşimov-T.Rəcəbov görüşündə şahmatçılar 14-cü gedişdə vəzirləri dəyişərək oyunu sadələşdirmiş və heç-heçəyə razı olmuşlar.
Digər görüşlər belə nəticələnmişdir: E.İnarkiev-D.Navara 1:0, Q.Kamski-E.Bakro 0,5:0,5, Vanq Yu-M.Adams 0,5:0,5, P.Svidler-A.Qrişuk 0.5:0.5, M.Karlsen-İ.Çeparinov 0.5:0.5
Hazırda V.Həşimov, Vanq Yu və A.Qrişuk 5 xalla turnir cədvəlinə başçılıq edirlər.
Bölmənin digər xəbərləri
