“AZERCELL” AFFA İLƏ ƏMƏKDAŞLIĞA DAİR MÜQAVİLƏ İMZALAMIŞDIR
Bakı, 26 may (AZƏRTAC). “Azercell Telecom” MMC ilə AFFA arasında əməkdaşlığa dair müqavilə bağlanmışdır. Sənədi AFFA-nin prezidenti Rövnəq Abdullayev və «Azercell Telecom» MMC-nin prezidenti Əli Ağan imzalamışlar.
Bu münasibətlə keçirilən mərasimdə Rövnəq Abdullayev bildirmişdir ki, futbolun inkişafına dair Dövlət Proqramına uyğun olaraq, AFFA-da kompleks tədbirlər həyata keçirilir. Son vaxtlar ölkəmizdə futbolun kütləviliyinə, uşaq futboluna diqqət xeyli artmışdır. İnanırıq ki, AFFA ilə “Azercell” arasında imzalanan müqavilə bu sahənin inkişafında xüsusi rol oynayacaq, respublikada fəaliyyət göstərən digər nüfuzlu şirkətlər də futbolun inkişafı üçün zəruri addımlar atacaqlar.
Əli Ağan AFFA ilə “Azercell”in əməkdaşlığının Azərbaycan futbolunun inkişafında əhəmiyyətli olacağına inandığını bildirmişdir.
Rövnəq Abdullayev üzərində Azərbaycan millisi üzvlərinin avtoqrafları olan köynəyi Əli Ağana hədiyyə etmişdir. Sonra hər iki təşkilatın prezidenti Azərbaycan milli komandasının üzvləri ilə xatirə şəkli çəkdirmişlər.
Tədbir bədii proqramla davam etdirilmişdir.
Bölmənin digər xəbərləri
